“GODHEAD” ANG PAGKA-DIOS”

“GODHEAD”

ANG PAGKA-DIOS”

Adunay walo ka mga dagkong pagbatbat ni Igsoon Branham nga Iyang gibuhat mahitungod sa “Pagka-Dios” aron kadtong miangkon sa pagsalig Kaniya nga Siya ang katapusang manalagna, mensahero sa Dios, aron nga dili magpadayon ang ilahang “Oneness” nga tinudluan ug kon motan-aw niining mga pagbatbatsila magabalhin sa ilang tinudluan mahitungod sa pagpadayag ni Jesu Kristo. Akong ilista kining walo ka mga pagbatbat niining atong pagtuon ug atong utingkayon sila sa dugang pang detalye samtang magalambo kining pagtuon. Saa masunod, atong ilista ang mga pulong ni Iranaeus mahitubgod sa “Pagka-Dios” uban si Apostol Pablo ug si Juan, ug ang katapusan ang maong pulong ni Jesus ug sa Iyang pagbatbat bahin sa Iyang kalabutan sa Iyang kaugalingong Amahan.

(Pagbatbat #1) Si igsoon Branham, wala siya miangkon nga siya “Oneness”. Sa pagkatinuod, iyang gilimod dihadiha nga siya “Oneness”.

“GODHEAD EXPLAINED” E-74 (Ang Pagka-Dios gisaysay) Kamong mga tawong naminaw niini makaingon kamo, “si Igsoon Branham usa ka “Oneness”. Dili ako “Oneness”. Tingali nasayop kining duha, ang Oneness ug ang Trinity (tulo ka persona ang Dios). Dili sa paglalis, apan diha kita pirme sa tunga sa dalan.

(Pagbatbat #2) Si igsoon Branham nag-ingon nga ang Dios dili usa ra sama sa imong tudlo nga usa ra.

E-96 “Show us the Father” 53-0907.1A “May usa ra ka Dios. Dili ako muoyon sa mga pundok Penticostes nga gitawag “Oneness” sama sa imong tudlo nga usa ra. Dili kana tinuod. Dili gayud matuod kana.

(Pagbatbat #3) Si igsoon Branham nag-ingon nga ang Dios dili usa sama sa imong tudlo nga usa ra.

128 Hebrews CPT.4 141-126 57-0901.2e (Hebreo CPT.4) Karon, ang “oneness” misawat nga sila ang grupo sa katawhang “Oneness” ug ilahang gisulayan sa pagbuhat sa Amahan, Anak ug Espiritu Santo nga usa ka opisina ug usa ka lugar, sama sa imong tudlo, usa ra. Sayop kana. Dili mahimo sa Dios. Si Jesus dili mao ang Iyang kaugalingong Amahan. Kon mao kana… nan, unsaon man sa paghimo nga Iyahan Amahan ang Iyang kaugalingon?

(Pagbatbat #4) Naghisgot si igsoon Branham nga ang bugtong nga may kainalahi diha sa Amahan ug Anak mao kini, ang mga anak may mga sinugdanan.

25 Hebrews 7, Part 1 Heb. 292-25 --- 57-0915.2E “Karon, ang hinungdan nganong may kinalahi ang Dios ug kang Jesus: Si Jesus may sinugdanan, ang dios walay sinugdanan; si Melchidesec walay sinugdanan, apan si Jesus may sinugdanan. Apan si Jesus gibuhat sama Kaniya.

(Pagbatbat #5) Si igsoon Branham naghisgot mahitungod nga nag Diois wala pa diha kang Jesus hangtod nga Siya nabautismohan sa suba sa Jordan. Ug unya ang Dios mipahawa gikan Kaniya sa didto Siya sa Gethsemane aron Siya mamtay nga sama sa tawo.

282 (PARADOX) – 64-0206.1M (DAW-SUMPAKI) “Ug kining gamay nga bata, dose anyos nga bata, walay kaalam diha Kaniya, ngano? Tungod kay dose anyos pa lamang nga bata. Ang Amahan wala pa mipuyo Kaniya niadtong panahona, tungod kay mkipuyo Siya niadtong adlaqwas sa dihang gibautismohan Siya.” Nakita niya ang Espiritu sa dios nga mikunsad Kaniya. Tan-awa ug mipuyo Kaniya. Apan tan-awa, kining dose anyos nga bata, ang maong pulong; natawo Siya nga gidihugan aron Siya dihugan. Ug karon ania Siya, wala ba kamo masayod nga ako magabuhat sa buhat sa akong Amahan?

Tan-awa si igsoon Branham nagtug-an kanato nga ang Amahan wala pa mipuyo kang Jesus nianang taknaa. Siya nagtug-an kanato nga ang Dios mipuyo diha sa Anak ngadto sa suba sa Jordan sa panahon nga Siya gibautismohan.

Sa mensahe, ELISHA THE PROPHET 56- 1002.2E E-21 (Si Eliseo ang Manalagna) Si igsoon Branham nag-ingon, “ug si Jesus, ang bautismo nga Iyang nadawat, bautismo kadto sa Balaang Espiritu, nga anaa na Kaniya nga miabot Kaniya ngadto sa suba sa Jordan human Siya bautismohi sa tubig. Si Juan nagpamatuod niini nga, nakita niya ang Espiritu sa Dios sama sa kalapati nga mikunsad diha Kaniya. Ug tan-awa. Ug sa gibayawSiya sa langit, Iyang gipadala usab ang maong bisti nga maoy nagputos Kaniya: ang Balaang Espiritu diha sa Iglesia.”

Sa mensahe, “MANIFESTED SONS OF GOD” 60-0518-88 (Ang Napadayag ng mga Anak sa Dios) Didto sa tamnanan sa Gethsemane, ang gidihog mibiya Kaniya, ikaw nasayod niana. Siya mamatay sama sa usa ka makasasala. Namatay Siya nga makasasala, nasayod ka niana; dili sa Iyang kaugalingong mga sala, apan ang imong mga sala ug sa akong mga sala.

Bisan pa sa mensahe, “THE RISING OF THE SUN” 65-0418 (Ang Pagsubang sa Adlaw) nag-ingon siya, “sa dihang nagtan-aw ang Dios ngadto sa lawas (Ang Espiritu mibiya Kaniya ngadto sa tamananan sa Gethsemane) Siya mamatay sama sa tawo. Hinumdumi mga higala, dili angay niya buhaton kadto. Dios Siya. Ang Dios nagdihog nianang unod, nga mao ang tawhanong unod, ug dili unta angay…kon Siya nagpaingon sa ibabaw ingon nga dios, dili unta siya mamatay sa samang matang sa kamatayon; dili mo mapatay ang Dios.

E-40 “TESTIMONY OF WILLIAM BRANHAM” 60-0210 “Mga igsoon, ug igsoong babaye, mga lalaki ug babaye, kita mangamatay, apan ang Espiritu sa Dios nga anaa sa atong tanan, mao rang Dios nga nakahibalog ni Moises ngadto sa kamingawan, anaa kang Jesus nganhi sa yuta, tungod kay ang kinabuhi Kaniya nagpamatuod nga mao ra ug samang Espiritu. Kini nagabuhat sa samang mga buhat, kini maoy saad ni Kristo. Oh! Ngano… wala may dapit sa pahunong.

(Pagbatbat #6) Si igsoon Branham nag-ingon, “ang lawas dili mao ang Dios, apan ang Dios mipuyo sa lawas.”

“GOD’S GIFT ALWAYS FIND PLACE” 63-1222-93 (“Ang Gasa Mangita Kanunay sa Dapit) Ang tawo ang lawas dili mao ang Dios apan ang Dios anaa kini sa sulod sa lawas.

E-37 “FUNDAMENTAL FOUNDATION FOR OUR FAITH” 55-1222-93 (Amg Sukaranan ug Baruganan alang sa Pagtoo) Karon, sa Siya ania pa sa kalibutan, Siya usa ka hingpit nga pana-ingnan sa tanang butang mahitungod sa Pagka-Dios. Siya mao ang kinatibuk-ang pagka-Dios diha sa Iyang pagkatawo. Diha kang Kristo mipuyo ang Dios. Diha Kaniya ang Gamhanang Dios, nangabuhhi ug mipuyo diha sa tawhanong lawas. Nagatoo ka niana, dili ba? Kinahanglan maluwas ka ug mutoo ka niini.

(Pagbatbat #7) Si igsoon Branham nag-ingon kanato sa gipakatawo sa Dios si Jesus, adunay duha ka Dios ang nalambigit. Ang usa mao ang Dios ug ang usa mao ang Anak sa Dios.

ATTIDUTE AND WHO IS GOD 50-0815-018 (Ang Panghunahuna kon Kinsa ang Dios) “Karon, Iyahang gibutang ang nahauna nga Bibliya. Oh! Kaniadto sa milabay nga mga karaang mga panahon, ilahang gisusi kadtong mga butanga. Karong mga adlaw ang bibliya Iyahang gisulat nganhing dapita. Ug Iyang gisulat kini sa mga Langit aron ang tawo mohangad aron masayud nga si Jehovah nga magbubuhat didto Siya nagpuyo sa ibabaw. Ug unya, ako na Siyang Makita human Siya mitan-aw ug unya ako Siyang Makita nga nagsulti Siya sa nagakabit nga kalibutan sama sa usa ka yelo, bisag unsa nga matang kini sa madugay nang panahon. Ug Iyahang giirog ngadtong dapita. Ug akong nakita ang gamay nga kahayag nga migula. Karon, aduna nay duha. Ang Amahan ug gikan sa Amahan migula ang Kahayag, ang Anak. Ug akong Makita ang kahayag nga milihok ngadto ug Iyahang gibira ang yutang kalibutan ug gipaduol kini sa adlaw aron kini mauga. Ug nagsugod Siya sa? Pagpatubo sa tubig, gibulag ang yuta, ang yuta sa mga tubig ug sa uban pa.”

Karon, kini wala mahimo nga duha ka Dios. Adunay usa ka Dios ug Siya may Anak. Ang kasulatan naghisgot nga Siya “Dios nga Anak”.”

QA ON GENESIS 13-1353-0729-007 (Pangutana ug Tubag sa Genesis) “Ug karon, kon imong sud-ungon pag-ayo sa Genesis 1:26, atong kuhaon ang unang bahin niini. Ang dios miingon, “Buhaton nato”… karon, “Buhaton nato ang tawo sumala sa atong dagway “ kon moingon Siya nga “kita” , atong masayran nga nakigsulti Siya sa usa: nakigsulti Siya sa usa ka Dios. Buhaton nato ang taawo sumala sa atong dagway, ingon nga sama kanato; ug magabuot sila sa mga isda sa dagat, ug sa mga kahayupan sa tiuok yuta. Koimong Makita diha sa primerong pagbuhat, ang una nga nagbuhat mao ang “kahayag”. Ug kon magpadayon ka sa pagta-aw sa pagbuhat, ang katapusang nabuhat sa Dios diha sa tanan Niyang nahimo mao ang tawo.

(Pagbatbat #8) Si igsoon Branham nagtug-an siya kanato nga si Jesus adunay ka Diosnong kinaiya tungod kay ang Dios nabuhi sa sulod niya:

CURTAIN OF TIME 55-03020 (TABIL SA PANAHON) E-22" Dili sila makasabut Kaniya.Usa Siya ka tinago bisan pa sa mga Apostoles.Walay usa nga makasabut Kaniya tungod kay may duha ka tawo nga naghisgot sa tanang panahon Kaniya.(23) Ang persona ni Jesucristo maoy nagasulti ,ug ang Dios maoy nagasulti man sa sulod Niya.Usahay si Kristo maoy nagasulti sa Iyang kaugalingon;usahay ang Amahan nga nagapuyo sa solud Niya.Tan-awa! Siya dili masabtan sa mga butang nga Iyang hisgutan;nagsulti Siya sa mga tigmo kanila"

JEHOVAH JIREH 56-0429-053 (Si Jehovah ang Mosangkap) “Maoy hinungdan nga ang mga tawo dili makasabot Kaniya. Usahay si Kristo ang nagsulti ug ang anak maoy maoy nagsulti. Sa ubang panahon, ang Amahan maoy nagsulti. Duha sila ka perona. Siya usa ka tawo, ang Anak. Ang Dios anaa Kaniya nga nagpuyo sulod Kaniya. Apan, unsa may imong gihimo? Nagsuroysuroy ba Siya ug miingon, “Ako mao ang Mananambal”. Mosupak kadto Kaniya. Miingon Siya,”dili ako ang Mananambal”. Dili ako ang nagabuhat niining mga buhat kondili ang Amahan nga anaa nagpuyo sa sulod nako ug sa Juan kapitulo 19 sa gipangutana Siya nga Iyang giagian lamang ang daghang mga bakol, mga piangon, mga buta, mga sanlahon, ug Iyang giayo ang tawo nga naghigda sa higdaanan, ang Amahan gipakita kini Kaniya aron Siya moadto ug ayohon sila. Mipanaw Siya ug Iyang gibiyaan ang uban nga naghigda, Siya gipangutana niini. May tawo nga nagdala sa Iyang higdaan sa adlaw nga igpapahlay. Paminaw kon unsa ang Iyang tubag, Juan 5:19 “Ug si Jesus miingon kanila,”Sa pakatinuod, sa pagkatinuod, magaingon ako kaninyo, nga walay bisan unsa nga arang mabuhat sa Anak sa Iyang kaugalingong kabubut-on gawa lamang sa Iyang Makita nga ginabuhat sa Amahan. Kay bisan unsay ginabuhat sa Amahan, ginabuhat usab kana sa Anak sa samang paagi.” Mao ba kini ang Iyang gisulti? Wala akoy mabuhat hangtod ang Amahan igapakita kini una kanako sa panan-awon aron akong buhaton.”

LET US SEE GOD 131 59-1129 (Tan-awon Nato ang Dios) “Labaw pa Siya… Ang Dios anaa sa sulod Niya. Siya usa ka tawo apan duha sila ka persona. Ang usa tawo; ang Espiritu diha sa sulod niya nga mao ang Dios. Miingon ako, “Ang Dios anaa kang Kristo”. Ang babaye mitubag sa pag-ingon, “Oh! Dili”. Akong giingnan Siya, tan-awa babaye, pakitaan ko ikaw sa imong kasulatan. Siya tawo, apan tawo Siya nga Dios. SA miadto Siya sa lubnganan ni Lazaro, mihilak sama sa tawo. Matuod kana. Apan samibarog Siya, Iyang gitarong ang Iyang gamay nga nagtikubong (stoop) nga abaga, ug nag-ingon Siya”Lazaro, gumawas ka” ug ang tawong patay na sulod sa upat ka adlaw nabuhi usab ug kadto molabaw na sa tawo. Ang tawo dili makahimo niana. Dios kadto nga anaa sa sulod sa Anak.”

Karon, ato nang gihisgutan ug gitan-aw kining walo ka mga kamatuoran ug nagpanghinaut ako nga makasulod kita uban ang nabuksan nga kasingasing aron Makita kon nganong mipadala kanato ang Dios sa usa ka gipanghimatuod nga manalagna aron ipabalik kita niya sa mga tinudluan sa unang mga Amahan nato sa panahon sa primerong Iglesia. Sa pagkatinuod, kon imong utingkayon ang 2 John 3 ug 9, imong Makita nga si Juan iyang gisiguro ang bahin sa gipadayag nga adunay usa ka Dios ug Siya may Anak.

2 Juan 1:3,”Ang grasya, kalooy, ug kalinaw gikan sa Dios nga Amahan ug gikan kang Jesu-Kristo nga Anak sa Amahan magauban kanato sa pagkatinuod ug sa gugma” (9) “Bisan kinsa nga magauna ug dili magapabilin diha sa tulohuan ni Kristo, Siya wala magapanag-iya sa Dios, Siya mga nagapabilin sa tuluhuan ni Kristo Siya nakapanag-iya sa Amahan ug sa anak.”

Gipiho pag-ayo ni Juan ug nagtug-an siya nga kon wala ka sa tinudluan ni Kristo wala kanimo ang Dios, ug naghisgot pa siya kanato kon unsa ang tinudluan ni Kristo. Siya nag-ingon, kinahanglan nga madawat kining duruha, ang Amahan ug ang Anak. King duruha (both) nagapasabot sa duha, dili tulo, dili upat, apan duha.

Kkon walay duha mahitungod sa tinudluan ni Kristo, wala kanimo ang dios. Ang duha ka mga binuhat, ang usa lamang kanila ang Dios, mipuyo sa usanga dili Dios, tungod kay Siya Anak lamang sa Dios.Dili Dios nga anak. Si igsoon Branham, gidala kita niya sa niining kahibulungang pagpahayag nni Kristo, apan kadaghanan sa mga nagsunod kaniya naghunahuna labaw pa sa Iyang gihimo bahin sa Dios ug sa Iyang Anak. Bisan pa si Iranaeus migamit sa maong paghubit, sa pagsaysay sa (Pagka-Dios).

Sa mga sinulat ni Iraneus “AGAINST HERESIES” Book III.Chapter 1 (Batok sa mga Erehes) “Wala pa magsugod ang mga Apostoles sa pagwli sa Evangelio o bisan pa pagbutang sa bisan unsa nga mga lista hangtod nga sila nagpuno sa gasa ug gahum sa Balaang Espiritu. Sila nagsangyaw lamang sa usa ka Dios, ang magbuhat sa langit ug sa yuta.

Sa niining kapitulo, human sampita ni Iraneus si Pablo, Pedro, Marcos, ug Licas, miingon siya, “Kining tanan, napahayag kanato nga aduna lamang usa ka Dios, ang Magbubuhat sa langit ug sa yuta, mipahibalo pinasubay sa mga balaod ug sa mga manalagna, ug usa ka Kristo, ang Anak sa Dios. Ug bisan kinsa nga dili mouyon niining mga kamatuuran, siya nagyagayaga sa mga kauban sa Ginoo ug labaw pa niana, nagyubit kang Kristo mismo ang Ginoo. Oo, Siya nagyubit bisan pa sa Amahan ug Siya nagbarog apan nahukman na sa iyang kaugalingon, kay misukol ug misupil siya sa iyang kaugalingong kaluwasan, sama sa maong hitabo sa tanang mga erehes.” Ania-ay ubang gihisgutan ni Iraneus sama niining mosunod:

Chapter VI: EXPLANATION OF WORDS OF CHRIST (Mga Kasaysayan sa mga Pulong ni Kristo) “Walay tawo nga makila sa Amahan, gawas sa Anak” ug uban nga mga Erehes wala makahubad sa tarung.

Kay ang Ginoo, nagpakita sa Iyang kaugalingon sa Iyang mga Desipulos nga siya sa Iyang kaugalingon, mao ang Pulong, nga maoy naghatag ug kaalam diha saAmahan, ug Iyang gibadlong kadtong mga Judio nga naghunahuna nga may kaalam mahitungod sa Dios apan nagalimod sa Iyang pulong ug pinaagi niini, gibutyag kini sa Dios ug gipahibalo nga walay tawo nga nakaila sa anak, apan ang amahan lamang, ug bisan kinsa nga padaygan sa Anak bahin kaniya”. Sa ingon niini, si Mateo, giplastar niya usab ug bisan pa si Lucas ug si Marcos , mao usab kini, apan wala kini gihisgutan ni Juan kining mga dinalan. Apan kadtong mga (dili matuud nga mga magtutudlo) nga nagpakita nga mas labaw pa ang kaalam sa mga Apostoles misulat sila sa pag-ingon, “Walay tawo ng nakaila sa Amahan apan ang Anak lamang, ug ang Anak gawas sa Amahan, sumala sa pagbuot sa Anak kon kinsa ang Iyang padaygan”. Kini ilahang gisaysay nga morag ang matuod nga Dios wala mailhan sa wala pa mibalik usab ang Ginoo nga gipalubali nang daan sa mga Manalagna,ug gitumotumo nga dili mao ang Amahan ni Kristo.

Apan kon si Kristo, maanaa Siya sa sinugdan sa dihang mianhi siya sa kalibutan ingon nga tawo, ug kon ang Amahan nahinumdum lamang Siya sa panahon ni Tiberius Caesar aron sa paghatag lamang sa kinahanglanon sa mga tawo ug ang Pulong wala pirme mipakita nga kauban na sa mga binuhat; apan kanang mga hunahuna ni bisan pa sa pagdawat niana, dili gayud angay ug kinahanglanon kaayo nga adunay laing Dios nga angay ipasundayag unta, apan ang hinungdan niining daku ug walay pagtagd, ug pagpanumbaling sa Iyang kaugalingong bahin, mahimo kining usa ka dakong hilisgutan sa pagsusi ug sa pag-utingkay. Tungod kay dili angay nga kining pangutana mobarog ug magtigum sa dakong kusog, aron nga kini maoy hinungdan nga makabalhin sa Dios ug mabungkag ang atong pagtoo diha sa Magbubuhat nga maoy molaban kanato pinasubay sa Iyang mga binuhat. Tungodkay kon atong itumong ang atong pagtoo ngadto sa Anak, mao usab ang mohatag sa pag-angkon nato sa malig-on ug dili matarug nga gugma diha sa Amahan.

Tungod niini, walay tawo nga makaila Amahan gawas sa pulong sa Dios, ug pinaagi sa Anak nga maoy nagpadayag Kaniya (Amahan), ug bisan pa, walay siya mahibalo sa Anak, gawas sa maayong kabubut-on sa Amahan tungod kay ang amahan maoy nagpadala ug ang Anak maoy gipadala ug miabot na. Ug ang Iyang pulong nahibal-ansa Amahan sumala sa pagtagad kanato, ang dili Makita ug ang walay katapusan. Nan, tungod kay siya dili man mapahayag ni bisan kinsa, Siya maoy naghimo sa pagpahayag sa iyang kaugalingon kanato, ug sa ubang bahin pa. Ang Amahan lamang ang nasayod sa Iyang kaugalingong pulong. Ug kining duha nga kamatuuran, gipahibalo kini mismo sa Ginoo. Busa, ang Anak maoy nagpadayag sa kahibalo sa Amahan pinaagi sa Iyang kaugalingong pagpadayag. Tungod kay ang pagpadayag sa kahibalo sa anak mao kini ang kahibalo sa amahan; kay ang tanang butang napahayag diha sa Anak.

Busa, aron kita makaila diha sa anak nga miabot na nga mao kini ang mga nanagtoo Kaniya bahin sa kahibalo mahitungod sa Amahan, sama sa giingon sa mga Desipulos niya “walay tawo nga nakaila sa anak kondili ang amahan lamang”, ug bisan kinsa nga padaygan sa Anak, mahibalo siya tungod sa Amahan. Kini nagbutang ug pamaagi sa Iyang kaugalingon ug ang Amahan nga mao Siya, aron dili na kita modawat sa ubang Amahan kondili siya lamang nga gipahayag s anak.

Apan wala nag-ingon ang Dios nga ang duha nga mao ang Amahan ug Anak, dili mailhan ang kinatibuk-an niini, mao kanay katumanan, nan ang Iyang pagbalik mahimong dili kinahanglan. Kay ngano man nga mianhi Siya/ Aron ba nga ingnon kita Niya nga “dili na”, ayaw na lang kamo mangita sa Dios tungod kay dili Siya mailhan ug dili kamo makakaplag Kania sama niana pagpahayag sa bahin kang Kristo sumala sa ilang pagtulun-an. Walay kapuslanan kini. Ang Gionoo nagtudlo kanato nga walay tawo nga may igkasankol sa paghibalo sa Dios gawas nga Siya pagatudluan sa Dios kon wala ang Dios, ug ubang bahin niini mao kini ang gilitok nga Pulong nga kabubut-on sa Amahan aron mailhan gayud nato ang Dios. Tungod kay mailhan nato Siya kon kini ipadayag kang bisan kinsa pinaagi sa Anak.

Sa maong katuyuan ang Amahan, maoy nagpadayag sa Anak, aron nga kini maiyang galamiton, Iyang mapahayag kini alng sa tanan ug aro ang mga matarung nga mitoo Kaniya moadto nagdto sa walay pagkadumot ug walay katapusang kalipay (Karon, ang mutoo Kaniya mao manang pagbuhat sa Iyang Kabubut-on) apan sa matarung nga pamaagi, Iyang pagatakpan sila ngadto sa gawas nga may kangitngit, nga maoy ilahang gipili sa ilang kaugalingon kay sila man mutoo, ug nagpadayon sa pagdumili sa paglikay sa Iyang pulong nagpadayag alang sa tanan sa amahan ug anak, tungod kay mahimo siyan makita sa tanan. Ug busa, ang matarung nga paghukom sa Dios, ipadala ngadto sa tanan, sama kini sa pagtoo sa uban.

Tungod sa Anak nga kauban niya sa Iyang pagbuhat sa tanang kabuhatan giakn pa sa sinugdanan Siya maoy nagpadayag sa Amahan alang sa tanan, sumala sa Iyang pagbuot ug sa dihang gibut-an na Niya, natuman ang pagbuot sa Amahan. Ang usa ka pulong, ug usa ka Anak, ug usa ka Espiritu, ug usa ka kaluwasan alang sa tanan nga mutuo kaniya.

Karon, tin-aw kaayo nga si Iraneus mitudlo man siya sama sa tinudluan ni Pablo ug ni Juan ug bisan pa si Igsoo Branham. Adunay usa ka Dios, nga mao ang pulong ug kini Siya mao ang Amahan. Ang maong Dios ug Amahan aduna siyay Anak sumala sa Iyang dagway. Kining usa ka Dios nga pulong, adunay Anak nga sama sa Iyahang dagway aron Siya ang mopadayag, ug molitok sa pulong, ug mao kini ang Anak ang gilitok nga pulong sa Dios. Kining usa ka Anak maoy natawo sa talagsaong paagi. Siya adunay talagsaong dapit sa pinadayag mahitungod sa Gamhanang Dios. Siya mao ang pinadayag o gipadayag nga Dios alang kanato.

Niining paagiha, gusto kong ibilin sa inyong hunahuna ang bahin sa walong dagkong paghubit ni igsoong Branham samtang nagbasa ka niini, tun-I pag-ayo aron dili ka maglisud sa pagbalhin sa imong kaugalingong hunahuna.

Karon atong balikan usab si Apostol Juan ug aron atong Makita kon unsa ang iyang gisulat.

II Juan 1:8-11 “Bantayi ang imong kaugalingon nga dili unta kapildihan sa butang nga inyong gihaguan. (9) Ang bisan nga magauna ug dili magapabilin diha sa tuluhuan ni Kristo, (ang pulong nga “di-amgpabilin”) nagpasabot nga milabaw siya sa gidid-an, Siya wala kapanag-iya sa Dios; (wala makapanag-iya, waly puluy-anan) siya nga nagapabilin sa tolohoan ni Kristo siya nakapanag-iya sa Amahan ug Anak.”

Kini nagatug-an kanimo kon unsa ka hinungdanon ang tolohoan bahin kang Kristo. Tungod kay kon molapaw ka sa unahan sa utalanan sa tuluhoan ni Kristo, wala kanimo ang Dios…Unsa man kining mga utlanan sa tinudluan ni Kristo/ Ang wala nagpabilin sa tuluhan ni Kristo. (Ang nagapabilin sulod sa utlanan sa tuluhuan ni Kristo. Unsa ang giingon ni Juan?) “Anaa kaniya kining duruha” ;unsa may kahulugan sa “duruha”?Nagapasabot kini nga 1? Nagpasabot ba nga 3? Nagpasabot nga 4? O 5? O 6? Dili! Ang kahulugan niini, duha. Kinsa man kining duha? Si Juan miingon,”ang Amahan ug ang Anak”. Ang bisan kinsa nga nagapabilin sa tuluhuan ni Kristo, anaa kaniya ang amahan ug ang Anak. Mao kini Siya. Wala ako mahibalo kon unsaon kog paghimo nga mahimong tin-aw kini.(10) “Kon adunay moanha kaninyo ug kini siya wala magdala sa maong tuluhoan, ayaw ninyo siya pagpasak-a sa inyong balay ug ayaw ninyo pagpangumustaha.” (11) “Kay siya nga mangamusta kaniya magapakig-ambit sa iyang dautan nga binuhatan.”

Unsa? Kinsa man ang dautan Juan? Ang bisan kinsa nga walay tinuhuan ni Kristo ang wala nag-ingon adunay usa lamang ka Dios, ang Amahan ug kini Siya adunay Anak. Maoy hinungdan nga s Juan naghisgot sa pipla ka mga bersikulo sa primero pa sa II Juan 1: “Ang grasya, kalooy ug kalinaw gikan sa Dios nga Amahan ug gikan kang Jesu-Kristo nga Anak sa Amahan, magauban kanato sa pagkatinuod ug sa gugma.”

Karon, nganong si Juan, iya mang gipiho sa iyang pagbatbat nga si Jesus dili ang kaugalingon niyang Amahan sama sa gibuhat sa mga Oneness sa pagka-karon? I Juan 1:1-3 “Kadto nga diha na sukad pa sa sinugdan nga among nadungog, nga among nakita pinaagi sa amongkaugalingong mga mata nga among nasud-ong ug nahikap pinaagi sa among mga kamot, mahitungod sa pulong nga nagahatag ug kinabuhi.” (2) “Ug ang kinabuhi gipadayag ug kami nakakita niini ug magapanghimatuod diha sa Amahan nga diha kaubabn sa Amahan ug mga gikapadayag kanamo.” (3) “Kadto nga among nakita ug nadungog among ginamantala usab kaninyo, aron kamo usab makabaton sa pakig-ambitay uban kanamo; ug ang atong pakig-ambitay uban sa Amahan ug sa Iyang Anak nga si Jesu-Kristo.”

Nganong gipiho man ni Juan sa paghisgot ang Amahan ug unya iyang gigamit ang conjunction”ug” aron mahisgutn ang Anak sa Dios, si Jesu-Kristo. Kon si Jesus mao usab ang Iyang kaugalingong amahan, nan wala kini maayong pangatarungan. Mahimo lamang kining dobleng mausab-usab nga sinultihan.

Karon, moadto usab kita sa mga Evangelio ni Juan ug ato kining ipahinungod ang tanan sa Evangelio ni Juan nagdto sa pulong nga gisulti ni Jesus sa iyang kaugalingon. Apan, ang primero mao nga atong utingkayon usa ang gisulti ni Apostol Pablo bahin sa kalabutan taliwala sa Amahan ug sa Anak.

Hebreohanon 5:7 “Sa mga adlaw sa tawhanon niyang kinabuhi, si Jesus uban sa makusog nga pagsinggit ug paghilak, naghimog mga pag-ampo ug pangamuyo ngadto Kaniya ug Siya gidungog nga arang makaluwas Kaniya gikan sa kamatayon, ug Siya gidungog tungod sa Iyang Diosnong kahadlok.” (8) “Bisan tuod Siya Anak, Siya nakakat-on sa pagkamasinugtanon (midangat ilalom sa pagtuman) pinaagi sa mgabutang nga Iyang giantus.”

Hebreohanon5:9 “ug sa nahimo Siyang hingpit, siya nahimong tuburan sa dayong kaluwasan alang sa tanang magasugot Kaniya” (“magasugot” ug ang “masinugtanon” mao ang pagtugyan) Siya nakakat-on sa pag-abot ilalom sa pagkamatinumanon.

Kinng pagbatbat gikan sa libro sa Hebreohanon, si Apostol Pablo naghimo ug pipila ka mga pagbatbat mahitungod sa kalabutan sa Anak sa Dios diha kauban sa Iyang Amahan.

#1. Ang anak sa Dios “nakakat-on” nga ang kahulugan niini mao nga Siya wala mahibalo sa tanan sama sa Dios nga nahibalo sa tanang butang ug nasayod sa tanang butang. Karon, kon ang Anak sa Dios, Dios man nganong midugang man ang Iyang kahibalo sa tanang butang. Ang Dios nasayod Siya sa tanang butang, apan sa Mateo 24:36 si Jesus miingom,”Apan mahitungod sa maong adlaw ug takna, walay usa nga nasayod bisan pa ang mga Manulunda sa langit, bisan pa ang Anak, gawas sa Amahan lamang. Kini nagpakita nga ang Anak wala Kaniya ang paghibalosa tanang butang. Ang Dios dili magabalhin (Mal.3: ug Hebreohanon 13:8).

#2. Siya nagmasinugtanon ngadto sa Amahan. Karon, kon Siya mao ang Amahan, kining pagbatbat mahimong usa ka tibuok nga walay hinugdanong pagpadapat sa mga pulong ug mahimong kinatibuk-ang dili angay daawaton.

#3. Siya nahimong hingpit. Kon Siyanahimong hingpit, o kaha kumpleto ug mitubo, nan dili kana mao ang kagahapon, karon g walay katapusan. I Cor. 15:24-28 “Ug unya magabot ang katapusan, inigtugyan na niya sa gingharian ngadto sa Dios ug Amahan, tapos Siya mawagtang ang tanang pamunuan ug tanang kamandoan ug kagahum.” (25) Kay kinahanglan magahari hangtod nga ang tanang mga kaaway Niya igabutang na Niya diha sa ilalom sa Iyang mga tiil.” (26_ “Ug ang katapusang kaaway nga pagalaglagon mao ang kamatayon.” (27) “Kay ang Dios magapahiluna sa tanang mga butang aron kini mahisakop Niya ilalum sa Iyang mga tiil.” Apan sa pag-ingon niini nga,”Ang tanang butang gipahiluna nga mahisakop ilalum Kaniya, tataw nga wala mhilakip niini ang Dios nga mao ang nagpahiluna sa tanang mga butang sa ilalum niya. (28) Ug sa diha nga nahisakop na ang tanang mga butang ilalum Kaniya, nan ang Anak pagasakupon usab ilalum Kaniya nga mao ang nagpahiluna sa tanang mga butang ilalum Kaniya, aron ang Dios mahimong tanan ngadto sa tanan.

#4. ang Anak sa Dios nagpasakop ngadto sa Amahan nga maoy naghimo kaniya nga lahi nga binuhat kay sa Amahan.

#5. Ang Anak sa Dios maoy tigpataliwala sa Dios ug sa tawo. Dili Siya mahimong tigpataliwala kon Siya Dios. Tungod kay ang pulong “tipataliwala” mao nga anaa siya sa tunga sa paghusay. Gal. 3:20 “Karon ang tigpataliwala dili makapataliwala sa usa ka bain lamang;apan ang Dios usa ra.” Ug unya si Apostol Pablo nag-ingon siya sa I Tim. 2:5 “Kay adunay usa ra ka Dios, ug adunay usa ra ka tigpataliwala sa Dios ug sa mga tawo, nga mao ang tawo nga si Kristo-Jesus.”

#6. Ang nak sa Dios midaku sa Iyang kahibalo bahin sa Dios. Lucas 2:40 “Ug ang bata midako ug nahimong kusgan, puno sa kaalam, ug ang grasya sa Dios diha Kaniya.” (52) “Ug si Jesus mitubo sa kaalam ug sa gidak-on ug sa kahimuot kaniya sa Dios ug sa tawo.” Si Jesus nagbuhat ug pag-uswag sa tanang butan sa dihang midako Siya. Mitubo Siya sa kaalam, mitubo Siya kahamtong ug mitubo Siya sa kahaylohan ug kahibalo bahin sa Dios.

#7. Ang Anak sa Dios midako sa kahimuot sa Dios. Lucas 2:52 maoy tibuol nga pagpasipala kon Siya Dios. Unsaon man sa Dios sa pagtubo sa kaalam ug kahimuot sa Iyang kaugalingon?

#8. Gihiklin Jesus ang iyang himaya kauban sa Amahan sa sinugdanan, ug Siya misalig diha sa Amahan aron usab ipabalik kini Kaniya. Juan 17:5 “Ug karon, Amahan, pasidunggi ako diha uban gayd kanimo nianang kadungganan nga gihuptan ko kaniadto uban kanimo sa wala pa ang kalibutan.” Kini nagpamatuod nga anaa kining himaya kaniya apan Iyang gibiyaan kini ug karon, mihangyo Siya nga ipabalik na usab Kaniya. Ang tataw kaayo nganhi nga gihubo Niya ang tanang katungod sa dihang mianhi Siya sa kalibutan sa paghimo Niya sa dagway sa tawo, ug Iyang gihubo ang tanan, ug ang kinatibuk-an ug misul-ob Siya sa kina-iya sa usa ka ulipon. Ang “waymouth” nga hubad mao kini: “Bisan pa sa singudanan, anaa na Kaniya ang kinaiya sa Dios, wala Siya maghunahuna nga mahisama Siya sa Dios nga usa ka halangdon nga hugot gakson. Apan, Iyang gihubo kining himaya sa Iyang kaugalingon ug mikuha Siya sa kinaiya sa usa ka ulipon, ang tawo sama sa mga tawo.

Ug usa ka binihag o ulipon, ang tumong niini mao ang pagtugyan sa iyang kaugalingon sa kabubut-on sa tag-iya s maong ulipon.

Karon, atong utingkayon kon unsa ang pulong ni Jesus nga Iyang gipamulong bahin sa Iyang kalabutan diha sa Iyang Amahan.

#9. Si Jesus nagsalig sa kabubut-on sa Iyang Amahan. Hebreohanon 10:7-10 “Unya miingon ako, tan-awa, ako mianhi sa pagtuman sa imong kabubut-on, o Dios, sumala sa nahisulat mahitungod kanako diha sa basahon nga nilukot.” (8) Sa Iyang pag-ingon sa unahan, ikaw wala magtinguha ni may kahimuot sa mga halad-inihaw ug sa mga gasa ug sa mga halad nga sinunog ug sa mga halad tungod sa sala (kini ginahalad tuman sa kasuguan).” (9) “Siya midugang sa pag-ingon, tan-awa mianhi ako sa pagtuman sa imong kabubut-on.” Ang nahauna Iyang gibungkag aron ang ikaduha iyang pagatukuron. (10) “Ug pinaagi sa maong kabubut-on kita nangahinlo gikan sa sala pinaagi sa makausa ra ug dayon nga paghalad salawas ni Jesu-Kristo.”

#10. Si Jesus dili makahimo sa bisan unsa gawas ang Amahan una ipakita kaniya. Juan 5:19-20 “Ug si Jesus miingon kanila, sa pagkatinuod, sa pagkatinuod, maga-ingon ako kaninyo, nga walay bisan unsa nga arang mabuhat sa Anak sa iyang kaugalingong kabubut-on, gawaslamang sa iyang Makita nga ginabuhat sa Amahan. Kay bisan unsay ginabuhat sa Amahan, ginabuhat usab kana sa Anak sa samang paagi.” (“Walay bisan unsa nga sa Anak sa iyang kaugalingon”) (Kon sayuron dili Siya makaayo sa masakiton, dili Siya makaluwas, dili Siya makatuga, dili Siya makatubos) (20)”Kay ang Amahan nahigugma sa Anak, ug iyang ginapakita kaniya ang tanan nga iyang ginabuhat, ug labi pa niini ka dakong mga buhat ang iyang igpakita kaniya aron kamo manghibulong.

Juan 10:30-32 “Sa akon kaugalingon wala akoy mahimo sumalasa akong pagbalat-an; sumala sa akong nadungog, ako magahukom. Ug ang akong hukom matarung, kay wala ko man tinguhaa ang pagbuhat sa akong kaugalingong kabubut-on kondili sa kabubut-on sa nagpadala kanako.” (31) “Kon ako mao ang magpanghimatuod mahitungod sa akong kaugalingon, ang akong panghimatuod maisip nga dili tinuod.” (32) “Apan adunay lain nga nagapanghimatuod mahitungod kanako, ug ako nahibalo nga tinuod ang iyang panghimatuod mahitungod kanako.”

#11. Si Jesus misalig sa Amahan sa iyang kaugalingong tinudluan. Juan 7:16-18 “Ug si Jesus mitubag kanila, ang gitudlo ko dili akong kaugalingon kondili iya sa nagpadala kanako.” (17) “Kon tuyuon ni bisan kinsa ang pagbuhat sa kabubut-on sa Dios, nan, iyang mahibaloan kon ang akong gitudlo gikan ba sa Dios o nagsulti ba lamang ako sa kaugalingon kong pagbulut-an.” (18) “Bisan kinsa nga magasulti sa kinaugalingon niyang pagbulut-an nagapngita sa iyang kaugalingong kadungganan; apan bisan kinsa nga magapangita sa kadungganan sa nagpadala kaniya, siya matinuoron ug wala diha kaniya ang pagkamalimbungon.”

#12. Nagtawag si Jesus nga Dios ang iyang Amahan ug mipadayag ang kinalahi nila taliwala sa duha. Juan 20:17 “Si Jesus miingon kaniya, ayaw na ako pagkupti, kay wala pa ako makasaka ngadto sa amahan. Apan adtoa ang akong mga kaigsoonan ug suginli sila nga mosaka ako ngadto sa Amahan, sa akong Dios ug inyong Dios.”

#13. si Jesus mitawag sa Dios nga iyang Dios. Busa si Jesus adunay Dios gawaskaniya. “Juan 20:17” mosaka ako ngado sa Amahan, sa akong Dios ug inyong Dios.

#14. Si Jesus naghisgot bahin sa ubang Dios, sa samang paagi sa ubang binuhat. Juan 5:31-32 “kon ako mao ang magpanghimatuod mahitungod sa akong kaugalingon, ang akong panghimatuod maisip nga dili tinuod.” (32) “Apan adunay lain nga nagapanghimatuod nahitungod kanako.” Juan 5:37 “Ug ang Amahan nga mao ang nagpadala kanako, Siya gayud nanghimatuod na mahitungod kanako. Kamo wala gayud makadungog sa iyang tingog, kamo wala gayud makakita sa iyang bayhon.”

#15. Gipadala sa Amahan ang iyang Anak. I Juan 4:14 “Ug kita ug magapanghimatuod nga ang Amahan mao ang nagpadala sa iyang Anak ingon nga Manluluwas alang sa kalibutan.” Juan 5:36 “Apan mahitungod kanako adunay panghimatuod nga labi pang dako kaysa kang Juan; kay ang mga buhat nga gipiyal kanako sa Amahan aron akong tumanon, kining maong mga buhat nga ginahimo ko karon, nagapanghimatuod mahitungod kanako nga ang Amahan mao ang nagpadala kanako.” (37) “Ug ang Amahan nga mao ang nagpadala kanako, Siya gayud nanghimatuod na mahitungod kanako. Kamo wala gayud makadungog sa iyang tingog, kamo wala gayud makakita sa iyang bayhon.”

#16. Ang Dios nagbanhaw kang Jesus gikan sa mga patay. Buhat 2:32 “Kining maong Jesus gibanhaw sa Dios, ug kaming tanan mga saksi niini.” Buhat 4:10 “Kinahanglan mahibaluan ninyong tanan, ug sa tanang katawhan sa Isrel, nga pinaagi sa ngalan ni Jesu-Kristo nga Nazaretnon, nga inyong gilansang sa krus, ga gibanhaw sa Dios gikan sa mga patay,pinaagi kaniya kining tawhana nagatindog nga mayo na karon sa inyong atubangan.” Buhat 13:30 “Apan gibanhaw siya sa Dios gikan sa mga patay.”

#17. Ang Anak midawat ug kinabuhi gikan sa Amahan. Juan 5:26 “Kay maingon nga ang Amahan may kinabuhi diha sa iyang kaugalingon, maingon man gitugot niya sa Anak ang pagpakabaton usab ug kinabuhi diha sa iyang kaugalingon.”

#18. Si Jesus miampo sa Amahan. Juan 17:15-24 “Dili ako mangmuyo nga kuhaon mo sila gikan sa kalibutan, kondili hinuon nga imo unta silang ilikay gikan niadtong dautan.” (16) “Sila dili iya sa kalibutan, maingon nga ako dili iya sa kalibuta.” (17) “Balaana sila pinaagi sa kamatuuran; ang imong pulong mao ang kamatuuran.” (18) “Maingon nga gipadala mo ako sa kalibutan, maingon man usab gipadala ko sila sa kalibutan.” (19) “Ug tungod kanila nagdidikar ako sa akong kaugalingon aron sila usab tinuod nga madidikar.” (20) “Ug nangamuyo ako dili lamang alang kanila ra, kondili alang usab sa mga mosalig kanako pinaagi sa ilang pulong.” (21) “Aron silang tanan mausa; maingon nga ikaw, Amahan, ania kanako ug ako anaa kanimo, aron sila usab mania kanato, aron ang kalibutan mutoo nga ikaw mao ang nagpadala kanako.” (22) “Ug gihatagan ko sila sa kadungganan nga imong gihatag kanako aron sila mausa, maingon nga kita usa.” (23) “Ako anaa kanila ug ikaw ania kanako, aron sila mahingpit nga usa, aron ang kalibutan moila nga ikaw mao ang nagpadala kanako ug nahigugma kanila maingon nga ikaw nahigugma kanako.” (24) “Amahan, buot ko unta nga asa gani ako atua usab uban kanako sila nga imong gitugyan kanako, aron makatan-aw sila sa akong kadungganan nga imong gihatag kanako tungod kay nahigugma man ikaw kanako bisan sa wala pa ang pagtukod sa kalibutan.”

Busa, gawas sa kamatuuran, walay makasimba sa Dios sa tinuoray gayud. Sa tinuod, ang pagsimba sa Dios nga mogawas sa Iyang gipadayag nga pulong, ang pagsimba sayop. Ang Dios dili Tulo ka Persona sama sa gituhuan sa mga Trinitarian, o siya usa lamang sama sa imong usa ka tudlo nga gituohan man sa mga “Jesus Only”, nga pagtudlo.